有味的廁格

photo owned by little flower

朝朝早必到的地方----廁所, "dum" "dum"之際 (對不起, 真的不太優雅), 發下白日夢, 個人飄下飄下, 除左爽之外, 重點係要令自己有空間諗下人生大道理! 

今日都唔例外, 不過呆呆下就忽然有所領悟......日日做到冇停手, 好想世界由24小時增加到36小時, 可恨一生人至少有1/4的時間用左係廁所度, 天呀! 我可以點? 我同自己講, 我要用埋廁所的黃金時間!!! 讀左咁多書, 又幫人設計咁多好野, 冇可能我諗唔到喎!!!! 即時用visualmap去brainstorm下~

created in http://www.visualthesaurus.com/

Toilet 廁所, 除了人有三急之外, 我本人就通常用盡這片小天地! 日常工作太忙, 有沒有想過可以來Break 一 Break, 發下夢, 令自己recharge! 既唔洗錢, 又可以靜下! 如果唔開心, 受左氣, , 只要一閂門, 廁所就變成我的避難所, 喊過你死我話, 或者打牆(哈! 爛左唔係我做架!), 一出門口, 又得重新振作!

去得無聊時,還有很多辦公室是非可以"八"到...登!登!登!線索就係睇"筆跡", 成個廁格牆身給人畫花了~ 聰明的你, 甚至可以發現XX同XX原來拍拖! 或者同誰過不去, 就在此地亙插~ 哈哈~ 比看八卦雜誌更精彩! 不過已經看不到啦, 現在有規模, 有阿姐抹走所有恩愁...可能在外邊的公廁牆身還可看到更多類型, 大多數都是女人心聲, 浪漫的暗戀告白~ 雖然無聊, 但極具玩味, 根本是廁所塗鴉畫, 可以考慮做一個女版曾灶材展覽~

在廁所不單止看到別人的心情, 也可以看到每個地方的文化。 清潔嗎? 地點方便嗎? 免費嗎? 外表好嗎? 真的完全反映到國民質素和國家先進度~ 如果能夠在一所環境好的地方如廁, 我肯定會留下好感~

提到靚廁所, 真的不能不提半島酒店10樓的FELIX BAR, 她的男廁是世界十大靚景廁所~ 面對香港維港景去小便, 真的人生一大快事~ (可恨不是男子組! 沒有這個福份!T.T) 

根據我幾十年上廁所的經驗, 暫時覺得最有設計感肯定是PACIFIC PLACE G/F的洗手間。 流線型的木板屈成廁所門, 真的, 我看不見一般沉悶的門框! 光線也用反射光, 很柔和, 很舒服! 如果, 我家有一個這樣的廁所, 那就無憾~ 哈哈~ 

當去不同國家旅行, 挑掦的壞習慣, 可以講成是職業病, 很在意廁所的設計, 順道分享下其他有趣的廁所(這是網上收集的~ 下次才給大家看我自家的收藏相)....

廁所又令我明白到自己身邊可能有很多好東西, 只是太忙, 眼睛才會看不見吧~ 走馬看花的人生, 是時候改變下!

鳴謝: 圖片轉載自不同網站